Entradas

Mostrando las entradas etiquetadas como Berrea 2016

Berrea 2016

Imagen
Textos: -Duru de pelar. -La manta partida. -De consulta. -Los Chalgueiros. -La casa del Señor cura nun la vi com´agora. -Palique d´ entre sidreros. -Carta de Gaspar a Pachina. -San Francisco en Africa. -La sirena. -Vivir para ver y ver para creer. -¿Qué es la mesonería? -Mari-Angela. -Como tener razón....  y tenía. -Mater inviolata. ¡Duru de pelar! Co ´l embeligru forráu por dos liebres estofáes y amecides al asáu  d´un robezo bien criyáu más tres o cuatro empanáes……. Co ´l reñón que vota fuegu, pos, el probe, non da abastu pa ensugar aquil trasiegu de zapica tras tariegu,  sin arreparu nel gastu….. Refalfiando  como brutos; dando tóos la parpayuela, y afogando ente sollutos l´españido de los rutos que fúmia la manezuela, Tan nel chiare del “Cirgüellu”  Remiciu, Pachín y Lariu, treminando  c´un pelleyu, pa char juera ´l añu vieyu como manda, l Dotrinariu. Falucanon de mil coses: De los gochos, los tenrales,  les vaqu